Badhasaabka Gobolka Salal Mudane Maxamed Muuse Bucul, ayaa amray saraakhiisha ciidamada ee ka hawlgala gabolka Salal in fiira gaara looyeesho gaadiidka goolka Salal kasoo gala Dhinca gobolka Awdal oo aan faa'iido badan gobolka soo galinin maadaaba dhaqaalaha iyo ganacsiga dadka dega gobolka Salal ay ku xidhanyihiin dhinaca Djibouti balse ay gawaadhidaasi ka imanaynsa dhinaca Awdal soo galiyaan gobolka dad aan lagaranayn meesha ay u socodaan oo soo buuxdhaafyay magaalooyinka gobolka Salal:                                                          Halkan  Hoose Ka Akhri Warka Oo Maldahan Hargeysa (Jam)- Badhasaabka Gobolka Salal Maxamed Muuse Bucul, ayaa shalay shir la galay taliyayaasha ciidamada ee gobolka ka hawlgala, shirkaasi oo lagaga arrinsanaayey tahriibka baryan dambe ku soo batay gobolka, kaasi oo ay u sabab tahay gaadiidka socdaalka ee ka soo qaada dadka Gobolka Awdal.   Shirkan oo uu hoggaaminaayo badhasaabka Salal ayaa waxa lagu qabtay xarunta gobolka, kaasi oo ay ka soo qayb galeen, taliyaha laanta socdaalka, taliyaha ciidanka badda iyo taliyaha ciidanka qaranka, sidaa daraadeed waxa laysla meel dhigay in baadhitaan lagu sameeyo dhammaan dadka iyo baabuurta iskagaga kala gooshaya gobollada, isla markaana ay si joogta ah uga hawlgalaan ciidanka baddu, waxna ka qabtaan dadka sida sharci darada ah uga tahriiba xeeba Salal. Md. Maxamed Muuse Bucul, ayaa waxa uu sheegay inay tahay ta kaliya ee lagaga badbaadi karo dhibaatooyinka ka dhasha tahriibka iyo waliba inay tahay ta kaliya ee lagu sugi karo xuduudaha gobolka. Dhinaca kale waxay baryahan danbe ay ciidanka nabadgalyadu ku uruuriyeen magaalada Lawya-cado dad gaadhaya ilaa saddex boqol oo qof, kuwaasi oo loo qabqabtay hawlo la xidhiidha tahriib. Ugu danbayntii waxa uu badhasaabku uu ku wargelinayaa xukuumadda iyo hay’adaha ku shaqada leh inay wax kala qabtaan arrintaas. Jamhuuriya Online