\WelcomeToQuljeedNet Awdal 

 

 

 

 

  Home    Contact Us   About US          

 

13-01-2013

            Sixitaan: Sabankani  Somaliland Seegtay Marinkeeda. 

                      Waa Maanso Layidhaa Saban: By Sigad

 

 

 

 

 

Sabankani dadkii wada sinaa

Kala saraysiiyay

Sabankani runtii laga saftee

Soofe lagu goyay

Sabankani fulihi soorya helay

Ee geesi la sadqeeyay

Sabankani nikii saaqidaa

Sacabka loo jiibin

Sabankani siloonkiyo waxshiga

Sunaha loo qaatay

Sabankani amaan la isku siin

Siddig irmaanaatay

Sabankani caqligi suulayee

Talo siloonaatay

Sabankani qabiil iyo suntii

La isku sooryayni

Sabankani ninkii samir lahaa

Fulle lagu sifaynaayo

Sabankani sinaantiyo axdiga

Sida xun loo qaatay

Sabankani saxdii laga tagee

Qalad saraysiiyay

Sabankani sifaha sharciga

Sumini  goynayso

Sabankani sadkaagii  ninkale

Sibiq ku qaadaayo

Sabankani adoon seexan

Lagu  sakhaalaayo

Sabankani sicii weyd ahaa

Sararyo waynaaday

Sabankani ninkii nacas ahaa

Nasab ku faanaayo

Sabankani ninkii soori jiray

Saxanka leefaayo

Sabankani sikhigi aamusee

Seef labood hagayo

Sabankani  Somaliland

Seegtay marinkeeda  

Sabankani Siilaanyiyo Saylici

Dalkii loo sadqaynaayo

Sabankani dastuurkii 

Surinka  loo weecshay

Ee nin waliba siduu rabo

Ula Sabaynaayo

Allahayow sibay noqotay qarannimo

Oo way na sidataaye

Bal noo sahal adaa saatiroo jiree

 

Cabdale Farax Sigad

Sigad12345@yahoo.co.uk

 

 

 

  

 

 

 

 

 

 

 

 

 

 

 

 

Quljeednet.Com 2010 Privacy Policy Terms Of Use