Annaga oo ah dadka magacyadoodu hoos ku qoran yihiin oo u dhashay gobolada Awdal, Selel iyo Gebiley, waxaan aad uga xunahay waxyaalah foolxumada iyo waxyeelada leh ee lagu qorayo qaar ka mid ah shabakadaha ay maamulaan dadka u dhashay beelahaas. Qoraaladaas oo ah kuwa aad u dhaawacaya sharafta iyo magaca dadkeena, dadkeenana kala dilaysa kalana foogaynaysana midnimada, isku duubnaanta, iyo waxa wada qabsiga. Waxa nasiib darro ah in lacaayo abti, adeer, gacal , tol iwm. Waxa dhaqanka ka baxsan in la xeerin waayo lana xushmayn waayo laf iyo diirkeed ah. Waxa taa sii raaca, oon sharaf ahayn, in la is nasab iyo magac caayo. Dadka shabakadaha wax ku qora waxaan xasuusinaynaa inay masuul ka yihiin wixii anshixumo ah ay ku qoraan shabakadaha (internet iwm).
Garaad kuma jiro, faaido ka kordhimayso in fagaaraha la isku caayo. Aqli iyo asluub, ixtiraam iyo istixgalin, dood an laaxin lahay baa lagu gaadhi karaa is faham iyo is afgarad. fikradaha qofka waa la dooxi karaa, ceebayn kara, lana diidi kara; si kastaba ha ahaatee qofka, qoyskiisa, iyo isirkiisa midna looma gefi karo. Ilaahay wuxu yidhi:
“O ye who believe! If a wicked person comes to you with any news, ascertain the truth, lest ye harm people unwittingly and afterwards become full of repentance for what ye have done.” Aya 6, suurato hujurat.
